ಸ್ವಾವಲಂಭನ್ ಆರೋಗ್ಯ ವಿಮಾ ಯೋಜನೆ

                ನಮ್ಮ ದೇಶದಲ್ಲಿ ವಿಕಲಚೇತನರಿಗೆ ಹಾಗೂ ಅವರ ಕುಟುಂಬಕ್ಕೆ ಸಂಬಂಧಪಟ್ಟಂತೆ ಮೊಟ್ಟ ಮೊದಲ ಬಾರಿಗೆ ಜಾರಿಗೆ ತಂದ ವಿಮಾ ಯೋಜನೆ ಇದಾಗಿದೆ. ಈ ಯೋಜನೆಯನ್ನು ಕೇಂದ್ರದ ಸಾಮಾಜಿಕ ನ್ಯಾಯ ಮತ್ತು ಸಬಲೀಕರಣ ಇಲಾಖೆ 2015ರ ಅಕ್ಟೋಬರ್ 2 ರಂದು ಜಾರಿಗೆ ತಂದಿತು. ಈ ಯೋಜನೆಯನ್ನು ಅನುಷ್ಠಾನಗೊಳಿಸಲು ದಿ ನ್ಯೂ ಇಂಡಿಯ ಅಶ್ಯುರೆನ್ಸ್ ಕಂಪನಿ ಲಿಮಿಟೆಡ್‌ರವರೊಂದಿಗೆ ಒಪ್ಪಂದ ಮಾಡಿಕೊಂಡಿದೆ. ಒಟ್ಟು ವಿಮೆಯ ಮೊತ್ತ ರೂ.3100/- ಆದರೆ ವಿಕಲಚೇತನ ವ್ಯಕ್ತಿ ಕೇವಲ ರೂ.355/- ಮಾತ್ರ ಪಾವತಿಸಬೇಕು. ಉಳಿದ ಹಣವನ್ನು ಕೇಂದ್ರ ಸರ್ಕಾರವೇ ವಿಮಾ ಕಂಪನಿಗೆ ನೇರವಾಗಿ ಪಾವತಿಸುತ್ತದೆ. ಒಳರೋಗಿಯಾಗಿ ಅಥವಾ ಹೊರ ರೋಗಿಯಾಗಿಯೂ ಸಹ ನಿಗದಿಪಡಿಸಿದ ಮಿತಿಯೊಳಗೆ ಹಣವಿಲ್ಲದೆ ಸೇವೆಯನ್ನು ಪಡೆಯಬಹುದು. ತುರ್ತು ಸಂದರ್ಭದಲ್ಲಿ ಹತ್ತಿರದ ಯಾವುದೇ ನೋಂದಾಯಿತ ಆಸ್ಪತ್ರಯಲ್ಲಿ  ಚಿಕಿತ್ಸೆ ಪಡೆದಿದ್ದೇ ಆದಲ್ಲಿ ಆ ವೆಚ್ಚವನ್ನು ಮರುಪಾವತಿ ಮಾಡಲಾಗುತ್ತದೆ. ಹತ್ತಿರದಲ್ಲಿ ನೋಂದಾಯಿತ ಆಸ್ಪತ್ರೆಯೊಲ್ಲದಿದ್ದಲ್ಲಿ ಥರ್ಡ್ ಪಾರ್ಟಿ ಅಲಯನ್ಸ್ ಅನುಮತಿ ಪಡೆದು ಇತರೆ ಆಸ್ಪತ್ರೆಗಳಲ್ಲೂ ಸಹ ಚಿಕಿತ್ಸೆ ಪಡೆಯಬಹುದು.

ಆರ್ಹತೆ :

• 18  ರಿಂದ 65 ವರ್ಷದೊಳಗಿನವರಾಗಿರಬೇಕು
• ಅಲ್ಪದೃಷ್ಟಿದೋಷ, ಅಂಧತ್ವ, ಕುಷ್ಠರೋಗದಿಂದಾದ ವಿಕಲಚೇತನರು, ಮಾಕ್ ಮತ್ತು ಶ್ರವಣದೋಷವುಳ್ಳವರು, ದೈಹಿಕ ವಿಕಲಚೇತನರು, ಬುದ್ದಿಮಾಂದ್ಯರು ಮತ್ತು ಮಾನಸಿಕ ಅಸ್ವಸ್ಥರು
• ಕುಟುಂಬದ ವಾರ್ಷಿಕ ವರಮಾನ ರೂ.3 ಲಕ್ಷದ ಒಳಗಿರಬೇಕು
• ವಿಕಲಚೇತನ ವ್ಯಕ್ತಿಗೆ ಮದುವೆಯಾಗಿದ್ದರೆ ಹೆಂಡತಿ ಮತ್ತು ಇಬ್ಬರು ಮಕ್ಕಳನ್ನು ಒಳಗೊಂಡಂತೆ 4 ಜನರನ್ನು ಮಾತ್ರ ಒಳಗೊಳ್ಳುತ್ತದೆ
• ವಿಕಲಚೇತನ ವ್ಯಕ್ತಿ ಮದುವೆಯಾಗದೇ ಇದ್ದಲ್ಲಿ ವ್ಯಕ್ತಿಗೆ ಮಾತ್ರ ಸೀಮಿತ
• ಇತರೆ ಆರೋಗ್ಯ ವಿಮಾ ಯೋಜನೆಗಳಲ್ಲಿ ಈಗಾಗಲೇ ವಿಮೆ ಮಾಡಿಸಿದ್ದವರು ಸಹ ಈ ಸೌಲಭ್ಯವನ್ನು ಪಡೆಯಬಹುದು.

ಬೇಕಾದ ದಾಖಲೆಗಳು:

• ನಿಗದಿತ ಅರ್ಜಿ ನಮೂನೆ
• ವಿಮಾ ಯೋಜನೆಯಲ್ಲಿ ಒಳಪಡುವ ಎಲ್ಲಾ ಸದಸ್ಯರ 2 ಫೋಟೊಗಳು
•  ಅಂಗವಿಕಲತೆಯ ಗುರುತಿನ ಚೀಟಿ
• ಬ್ಯಾಂಕ್ ಪಾಸ್ ಬುಕ್‌ನ ಛಯಾ ಪ್ರತಿ ಮತ್ತು ರದ್ದಾಗಿರುವ/ ಪಡಿಸಿದ ಚೆಕ್
•   ವಿಳಾಸ ದೃಢೀಕರಣ ಪತ್ರ : ಆಧಾರ್ ಕಾರ್ಡ್ / ಚುನಾವಣಾ ಗುರುತಿನ ಚೀಟಿ / ಚಾಲನಾ ಪರವಾನಿಗೆ
•  ರೂ. 355/- ಹಣವನ್ನು ಪಾವತಿಸಬೇಕು

ಸ್ವಾವಲಂಭನ್ ಆಯೋಗ್ಯ ವಿಮಾ ಯೋಜನೆಯಿಂದ ಪಡೆಯಬಹುದಾದ ಸೌಲಭ್ಯಗಳು

• ವಿಕಲಚೇತನ ವ್ಯಕ್ತಿ ಅಥವಾ ಮದುವೆಯಾಗಿದ್ದಲ್ಲಿ ಹೆಂಡತಿ, ಇಬ್ಬರು ಮಕ್ಕಳ ಒಟ್ಟು ಕುಟುಂಬಕ್ಕೆ ರೂ.2 ಲಕ್ಷ ವಿಮಾ ಸೌಲಭ್ಯ ಇರುತ್ತದೆ.
• ಹೊರರೋಗಿಯಾಗಿ ಅಥವಾ ಒಳರೋಗಿಯಾಗಿ ಚಿಕಿತ್ಸೆ ಪಡೆಯಬಹುದು
• ದೈಹಿಕ ವಿಕಲಚೇತನರು ಹೊರರೋಗಿಯಾಗಿ ರೂ.10 ಸಾವಿರದ ಒಳಗೆ ಕರೆಕ್ಟಿವ್ ಥೆರಪಿ ಪಡೆಯಬಹುದು
• ಬುದ್ದಿಮಾಂದ್ಯತೆ ಮತ್ತು ಮಾನಸಿಕ ಅಸ್ವಸ್ಥ ವಿಕಲಚೇತನರು ಹೊರರೋಗಿಯಾಗಿ ರೂ.3000/- ವರೆಗೆ ಚಿಕಿತ್ಸೆ ಮತ್ತು ಔಷದೋಪಚಾರಗಳನ್ನು ಪಡೆಯಬಹುದು
• ಅಸ್ಪತ್ರೆ ದಾಖಲಾಗುವುದಕ್ಕಿಂತ ಮೊದಲು ಚಿಕಿತ್ಸೆ ಪಡೆದುಕೊಂಡಿದ್ದಲ್ಲಿ ಅದನ್ನು ಮರುಪಾವತಿ ಮಾಡುತ್ತರೆ (ದಂತ ಚಿಕಿತ್ಸೆ ಬಿಟ್ಟು)
•  ಅಂಗವಿಕಲತೆ ಮಾತ್ರವಲ್ಲದೆ, ಅಪಘಾತ ಹಾಗೂ ಇತರೆ ಖಾಯಿಲೆಗಳಿಗೂ ಸಹ ಚಿಕಿತ್ಸೆ ಪಡೆಯಬಹುದು.

ಸೌಲಭ್ಯವನ್ನು ಎಲ್ಲಿ ಪಡೆಯಬಹುದು ?

•  ದಿ ನ್ಯೂ ಇಂಡಿಯಾ ಅಶ್ಯುರೆನ್ಸ್ ಕಂಪೆನಿ ಲಿಮಿಟೆಡ್‌ನ ಶಾಖೆಗಳಿಂದ ಪಡೆಯಬಹುದು
• ಸಂಘ - ಸಂಸ್ಥೆಗಳ ಮೂಲಕ ಸುಲಭವಾಗಿ ಪಡೆಯಬಹುದು
•   ವೈಯಕ್ತಿಕವಾಗಿಯೂ ಸಹ ಪಡೆಯಬಹುದು.

ಹೆಚ್ಚಿನ ಮಾಹಿತಿಗಾಗಿ ಹತ್ತಿರದ ದಿ ನೂ ಇಂಡಿಯ ಅಶ್ಯುರೆನ್ಸ್ ಕಂಪನಿ ಲಿಮಿಟೆಡ್‌ನ ಶಾಖಾ ಕಛೇರಿಯನ್ನು ಸಂಪರ್ಕಿಸಬಹುದು.

ಉಚಿತ ದೂರವಾಣಿ ಸಂಖ್ಯೆ : 1800-233-1166,1800-233-4505